Kuvendi do të mblidhet sot në orën 18:00 në seancë të jashtëzakonshme për të ngritur Komisionin Ad hoc për vetting-un e prokurorëve dhe gjyqtarëve. Më herët opozita ka deklaruar se nuk do të marrë pjesë në këtë seancë parlamentare, pasi ajo prej 53 ditësh ka bojkotuar Parlamentin, sepse kërkon krijimin e një qeverie teknike.
Ndërkohë gjatë mbledhjes së djeshme të grupit parlamentar socialist, Gramoz Ruçi ka deklaruar se dy anëtarët e PS për komisionin Ad hoc do të jenë Vasilika Hysi dhe Ulsi Manja, ndërsa një emër i takon LSI. Ndërsa PDIU, e cila më parë kishte propozuar emrin e kryetarit të saj, Shpëtim Idrizi për t’u përfaqësuar në këtë komision, është përjashtuar nga PS jashtë këtij procesi, duke thelluar edhe më krizën politike në vend.
