Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

“S’do falim asnjë…”/ Artan Hoxha i tregon Edi Ramës SMS-në kërcënuese të krimit të organizuar

Nga 27.al 0

Gazetari Artan Hoxha publikoi një mesazh kërcënues që ka mbërritur dje në Abc News, drejtuar gazetarit Artan Hoxha si dhe televizionit Abc News. Ai e rrëfeu këtë në emisionin “Opinion”, ku i ftuar ishte Kryeministri i vendit Edi Rama.

SMS-ja kërcënuese:

“Dëgjoni me vëmendje, ju si televizion bastard me në krye kryebastardin Tan Hoxha, ka ardhur koha të mbani përgjegjësitë për baltën që hidhni ndaj familjes sonë. Nuk është familja jonë si na prezantoni ju me Tan kur***ën. Keni një javë për një foto na ngatërroni me politikën. Të jeni të sigurt ne s’do falim asnjë që na sulmon padrejtësisht. Nëse e doni e kthejmë në personale”.

Hoxha rrëfeu se me një numër nga Anglia i kanë ardhur disa foto të tij të të gjitha lëvizjeve që kishte bërë gjatë ditës.

“Sot, para se të vija në emision më kanë ardhur disa mesazhe. Denoncimin e kam bërë në polici, normale që e kam bërë. Çfarë kërkohej? Më kishin fotografuar, kur kam dalë nga shtëpia, ku kam lëvizur gjatë ditës, se unë besoj në këtë vend. M’i kanë sjellë me mesazhe nga Anglia këto. Ky është krimi i organizuar. Nuk janë më ata. Me ata kam mbaruar punë unë. Krimi i organizuar është ky që fsheh pafund para, që ndikon dhe e ka buxhetin më të madh se Ministria juaj e Brendshme, që ka zhdukur në Vlorë 16 persona dhe nuk gjejmë dot kufomat. Me këto që dëgjoj tek ty, jam tek ty kokë e këmbë, por me ato që shoh, çfarë të bëj…? Kjo është jeta që jetoj, nuk është ajo që dëgjoj”, tha Hoxha duke iu drejtuar kryeministrit Edi Rama.

/abcnews.al/

 

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej