Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Kryeministri Rama kërkon ndihma me Kuran dhe Allah

Nga Media 0

Duke folur përulësisht me mendjen, filozofinë e botës islame dhe librin e shenjtë Kuranin, kryeministri Edi Rama vërejti se Shqipëria ka pësuar goditje të rëndë nga tërmeti, që nuk mund të kalohet pa ndihma nga jashtë

Kryeministri Edi Rama e paraqiti “njerëzisht të papërballueshme” dhe rrugëtimin “të dhimbshëm” kur kërkoi ndihmë në Stamboll që Shqipëria ta kalojë gjendjen e krijuar nga tërmeti i 26 nëntorit.

Në konferencën e Investitorëve në Turqi kryeministri tha se dëmet nga tërmeti shkojnë përtej asaj që mund të përballojë Shqipëria.

Tërmeti i 26 nëntorit 6,4 shkallë i Rihterit i mori jetën 51 personave dhe lëndoi mbi 950 të tjerë në Durrës, Thumanë të Krujës, Tiranë, Laç, Lezhë, Mirditë dhe deri në Dibër.

Pas takimit me presidentin turk Rexhep Taip Erdoan, kryeministri u tha investitorëve se shqiptarët e të gjitha besimeve të pasur dhe të varfër dhanë dhe vazhdojnë të japin të gjithçka që kanë për të ndihmuar të prekurit nga tërmeti:

“Shqiptarët nga Tirana në Shtetet e Bashkuara të Amerikës, nga Prishtina në Europë, nga Tetova, Ulqini, Lugina e Preshevës kontribuan me fondet e solidaritetit. Mes dhimbjes së papërshkruar për jetët e humbura, për shkatërrimin apokaliptik në disa zona, kërkoj që të bashkoheni në këtë rrugëtim të dhimbshëm”.

Duke folur përulësisht me mendjen, filozofinë e botës islame dhe librin e shenjtë Kuranin, zoti Rama vërejti se Shqipëria ka pësuar goditje të rëndë që nuk mund të kalohet pa ndihma nga jashtë:

“Kushdo ndihmon një njeri, Allahu do ta lehtësojë nga vështirësia në Ditën e Rigjalljes. Kurani i Madhërishëm na mëson: Katastrofat natyrore janë sprovat që i jepen njerëzimit që të pastrohet nga mëkatet dhe të pendohet. Tërmeti shkatërrimtar ka sfiduar në mënyrë të pakrahasueshme”.

“Të dhënat tona janë tronditëse! Ka përkulur qytetet tona më të rëndësishme Tirana dhe Durrësi”-shtoi zoti Rama.

Më shumë se 10 mijë e 200 objekte banesorë dhe të tjerë u shembën apo shkatërruan pjesërisht ose plotësisht dhe mbi 9 mijë persona mbetën pa kulm mbi kokë. /illyriapress.com/

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej