Edi Rama nuk ka rreshtur së dërguari mesazhe, lajmërime masash të rrepta nga shtëpia e tij shumë e përfolur e Surrelit.
Kryeministri shfaqet besimplotë dhe i buzëqeshur, u kërkon ndjesë shqiptarëve, i merr me të mirë, i ndëshkon, pra përdor shkopin dhe karrotën do thonin italianët.
Por, qeveria e Edi Ramës (ai vetë jo e jo) nuk thotë asnjë fjalë për ata shqiptarë të izoluar, të cilët janë mbi një milion dhe nuk kanë mundësi ekonomike të kenë rezerva ushqimore. Një pjesë e mirë e tyre janë pa drita dhe ujë të pijshëm.
Ushtria dhe policia më shumë se sa të patrullojnë bulevardet e Tiranës, sot duhet të ishin duke shpërndarë ndihma për këta njerëz. Ujësjellësi duhet t’u lidhte ujin që të lanin duart si na mëson Edi Rama, kurse OSHEE të lidhte dritat për ata që i preu, se nuk kanë me ç’t’i paguajnë.
Kjo është më e pakta që mund të bëjë një qeveri, nëse do me gjithë mend të shpëtojë jetën e qytetarëve të saj.
