Departamenti Amerikan i Shtetit nxin Shqipërinë: Media nën presionin e politikës dhe grupeve kriminale
Departamenti Amerikan i Shtetit, ka publikuar raportin për Shqipërinë për vititn 2016, ku spikat alarmi për korrupsionin në të gjitha nivelet e qeverisjes. “Problemet më të rëndësishme ka qenë korrupsioni i përhapur në të gjitha nivelet e qeverisjes, sidomos në sistemin e drejtësisë dhe të kujdesit shëndetësor, dhuna në familje dhe diskriminimi”, theksohet në raport. Një vëmëndje e veçantë i kushtohet edhe medias ku është konstatuar presion nga qeveria, biznesi dhe grupet kriminale.
“Qeveria, biznesi dhe grupet kriminale kërkojnë të influencojnë në media në mënyrë të papërshtatshme dhe ka pasur raportime për dhunë dhe intimidim të anëtarëve të medias”.
Të tjera kritika renditen më poshtë shkurtimisht, si pjesë e raportit të Departamentit Amerikan të Shtetit për Shqipërinë.
Raporti
Problem tjetër janë të burgjet dhe qendrat e paraburgimit të cilat janë të mbipopulluara, ndërtesa të vjetra dhe mungon trajtimi mjekësor. Raportohet për policë dhe gardianë që abuzojnë me të dyshuarit dhe të burgosurit por dhe me zgjatje të afateve të burgimit pa akuzë.
Presioni politik, intimidimi, korrupsioni i gjerë dhe burimet e kufizuara disa herë kanë penguar sistemin gjyqësor të funksionojë i pavarur dhe në mënyrë eficente. Qeveria ka bërë pak progres sa i takon kthimit të kompensimit të pronave të sekuestruara gjatë komunizmit
Autoritetet shkatërruan shtëpi dhe biznese pa një proces të rregullt gjyqësor për pronarët me qëllim që të kenë kompensimin e duhur.
Qeveria, biznesi dhe grupet kriminale kërkojnë të influencojnë në media në mënyrë të papërshtatshme dhe ka pasur raportime për dhunë dhe intimidim të anëtarëve të medias.
Gazetarët shpesh praktikojnë auto censurën për të shmangur dhunën dhe ngacimet si përgjigje e presionit nga kryeredaktorët dhe botuesit.
Vazhdon të ketë të dhëna për abuzime të fëmijëve në mënyrë të përhapur. Martesat e hershme dhe të detyruara mbetet ende një problem në disa zona të vendit.
Vendi vazhdon të jetë një vend burim për fëmijë, burra dhe gra që i nënshtrohen trafikimit seksual dhe punës së detyruar
Margjinalizimi dhe abuzimi me komunitetin rom mbetet një problem serioz. Ka pasur raporte të diskriminimit në punë në bazë të aftësisë së kufizuar, orientimit gjinor, seksual ose identiteti gjinor, kombësie, dhe përkatësia etnike.
