Partia Demokratike i bëri thirrje kryeministrit Edi Rama të anulojë në mënyrë urgjente koncesionin e laboratorëve spitalorë, duke e konsideruar një aferë të madhe korruptive që do ketë pasoja të rënda humane, shkencore, didaktike e financiare.
Në një dalje për median kryetarja e Komisionit Parlamentar të Shëndetësisë tha se ky koncesion rrezikon cilësinë, do të prodhojë çmime të pakontrolluara e të larta, do të rrisë korrupsionin.
Gjithashtu PD ka akuzuar Kryeministrin Rama se ky koncesion s’është gjë tjetër veçse një proçedurë korruptive dhe abuzive, vetëm 6 muaj para zgjedhjeve të përgjithshme.
Më tej Vokshi shprehet se koncesioni rrezikon të hedhë në rrugë rreth 850 mjekë dhe staf mjekësor dhe me shumë gjasa, ata do të zëvendësohen nga njerëz më pak të kualifikuar, por që kanë në xhep teserën e partisë, që ndjekin mbledhjet e PS-së, apo japin zarfet nën dorë, u shpreh Vokshi.
