Kryeministri i Kosovës, Avdullah Hoti do të vizitojë sot zyrtarisht për herë të parë Shqipërinë, që pas marrjes së detyrës së tij, ku do të zhvillojë disa takime, mes tyre homologun e tij, Edi Rama.
Pritet që Hoti fillimisht të zhvillojë një takim në Pallatin e Brigadave në orën 10:00 më kryeministrin Rama, ku edhe është paralajmëruar një konferencë e përbashkët për shtyp.
Më pas ai ka në agjendë takime me zyrtarë të tjerë të lartë të shtetit shqiptar. Hoti e paralajmëroi këtë vizitë gjatë takimit me kryeministrin Rama në Prishtinë.
