Njerëzit e politikës kanë filluar të shihen edhe më shpesh në stadiumet tona, madje janë aktiv edhe në rrjetet sociale, ku mbajnë qëndrime për skuadrat e tyre të zemrës. Kur luan Partizani, në tribunën VIP është pothuajse gjithmonë i pranishëm Erjon Braçe, por edhe Blendi Klosi, apo Ilir Meta. Zëra plus për Tiranën janë Petrit Vasili, Shpëtim Idrizi, por edhe Gerti Bogdani. Në Korçë është Ridvan Bode, Niko Peleshi e ndonjë tjetër. Ndërsa Taulant Balla është fanatik i skuadrës së qytetit të tij, Sopotit të Librazhdit. Aq shumë e dashuron skuadrën, sa Balla është parë shpesh në stadiumet jo komode të Kategorisë së Parë. Bile e do edhe më shumë se kaq, pasi i ka ndërruar ngjyrat uniformës, duke i bërë “mavi”, si ngjyra e partisë që së fundi ka deklaruar se e dashuron më shumë edhe se Shqipëria. Shikojini uniformat e reja të skuadrës librazhdase, në prag të ndeshjes së këtij sezoni kundër Apolonisë, ndërkohë që duhet kujtuar, se në kohën e Nanos uniforma zyrtare e Sopotit ishte e kuqe.
