Qeveria bullgare do të lejojë turistët nga Shqipëria, Kosova, Serbia, Maqedonia e Veriut, Bosnja, Mali i Zi, Moldavia, Izraeli dhe Kuvajti që të vizitojnë vendet e saj turistike, nëse posedojnë një test negativ të COVID-19.
Lajmin e bëri me dije Ministria e Shëndetësisë së Bullgarisë. Testet negative duhet të jenë të 72 orëve të fundit, ndërkohë turistët nga Ukraina do të lejohen me të njëjtat kushte, thuhet në deklaratën e ministrisë.
Bullgaria ka nevojë për turistë që vizitojnë Detin e Zi, pasi vizitat nga të huajt janë tkurrur shumë që nga përhapja e pandemisë.
