Ka mbërritur sot në Tiranë Zv.ndihmës sekretari amerikan i shtetit, Mathew Palmer.
Mathew Palmer nisi axhendën e takimeve në kryeministri me kreun e qeverisë Edi Rama sot rreth orës 15:45.
Mësohet se pjesë e axhendës së z.Palmer janë edhe takimet e të martës me kryetaren e LSI-së, Monika Kryemadhi, kreun e opozitës Lulzim Basha ndërsa rreth orës 17:30 zyrtari amerikan do të pritet në Presidencë nga kreu i shtetit, Ilir Meta.
Pas takimeve me zyrtarët e lartë, mësohet se Matthew Palmer do të ketë një takim edhe me një grup gazetarësh shqiptarë.
Palmer vjen në Shqipëri në një periudhë krize politike, ku nga njëra anë opozita e bashkuar ka djegur mandatet ndërsa ka paralajmëruar edhe protesta të vazhdueshme në vend, ndërsa mazhoranca po përgatitet për zgjedhje.
