Në një lidhje me Skype me emisionin “Zonë e Lirë”, kreu i qeverisë u shpreh se po studiohet mundësia për të legalizuar kanabisin mjekësor në vend.
“Atë hashashin me leje po e studiojmë. Shtete të tjera e kanë bërë… Jemi shumë të avancuar, por akoma nuk jemi në kapitullin e fundit”, u shpreh Rama.
Por, sipas asaj që mëson syri.net, faza e studimit ka përfunduar dhe tashmë kryeministri Edi Rama e qeveria e tij kanë të paktën gjashtë muaj që po merren me ligjin.
“Nuk po e studion. E ka përfunduar. Ka të paktën 6 muaj që po merret me ligjin. Planifikon centralizimin e licensave nga 3 deri në 5 maksimumi, të cilat do t’ua japë njerëzve të tij të afërt, direkt ose të fshehur pas kompanive të huaja”, tha për syri.net një burim i besueshëm pranë qeverisë.
Siç duket, kryeministri Rama po përdor frikën dhe hamullinë që ka shkaktuar COVID-19 te shqiptarët për të realizuar projektet e tij të errëta, të cilat i shet si studime nëpër studio televizive, por në fakt ka muaj që i ka përfunduar.
/syri.net/
