Jo vetëm që në zgjedhjet e vitit 2017, edhe PDIU, ishte në shënjestrën e Ramës, me qëllim shbërjen e plotë politike, jo vetëm u bë çmos që në Tiranë, Idrizit ti grabitej mandati i deputetit, sikundër ndodhi, porse në të njejtën kohë, asnjë nga kërkesat politike që lidhet me të drejtat e Çamëve, të parashtruara nga PDIU, nuk u vendos në axhendën e kryeministrit, që sot është krejt pa axhendë.
Nëse Idrizi, do të rrinte në pushtetin e Ramës, si një patericë e tij, dyshimet do të ishin mirëfilli të mëdha dhe të pajustifikueshme. Sepse në Qershorin e vitit 2017, dhe pas zgjedhjeve, PDIU-së, ju grabitën vota, deputetë dhe vetë logoja në disa raste.
Shpëtim Idrizi, mbeti kësisoj i vetmi politikan me rang të lartë, që deklarohet sistematikisht për Çështjen Çame dhe fton shqiptarët për një politikë të Jashtëme vigjilente ndaj qarqeve nacionaliste greke dhe jo vetëm. Mungesa e transparencës në Marrëveshjen e dështuar për Detin, sulmet e përsëritura publike për të ashtuquajturën mosegzistencë të Çështjes Çame, kanë sot për sot, vetëm një pol të rëndësishëm politik, që ka ndjeshmërinë e lartë kombëtare dhe vepron politikisht në përputhje e të. Qëndrimi i Shpëtim Idrizit dhe PDIU-së në Opozitë, ka një domethënie të rëndësishme, gjithmonë e më pak njerëz, besojnë sot, përrallat nacionaliste të dikurshme të kryeministrit të sotëm dhe janë një vijë e qartë ndarëse, midis fjalëve dhe veprave në lidhjet me ngërçet e mëdha kombëtare që kanë mbetur pezull, për shkak të krizës së brendëshme politike shqiptare. Të tjerat janë fjalë, ose analiza të cekëta apo të sponsorizuara…
/https://360grade.al/242738/e-drejta-e-shpetim-idrizit-per-te-qene-ne-opozite/
