Nënkryetari i Levizjes Socialste për Integrim Petrit Vasili, ka reaguar pas provave të reja të nxjerra nga Presidenti Ilir Meta ne lidhje me kreun e KED, Ardian Dvorani për uzurpimin e Gjykatës Kushtetuese.
Nëpërmjet një postimi në rrjetet sociale Vasili shkruan se këto dokumente të publikuara nga presidenti janë një dëshmi e kapjes monstruoze të shtetit.
Postimi i plotë i Vasilit:
“Fakte monstruoze, që ulërijnë për rrëmbimin e Gjykatës Kushtetuese nga rilindja!(Dokumente)
Dokumentetet e publikuara nga presidenti janë një dëshmi shumë e rëndë e kapjes monstruoze të shtetit si kurrë ndonjëherë në këto tridhjetë vite pluralizëm.
Ku është prokuroria dhe policia???
Ku janë fshehur?
Ku është SPAK?
Apo po kërkon se ku do ta degdisë dosjen.
Apo presin urdhërat e Edi Rames.
Apo po kërkojnë ndonjë fshatar ta arrestojnë se ka bërë ndonjë mur pa leje dhe ta japin në 20 televizione dhe 200 portale sikur zunë armikun e shekullit.
Ndërsa horrave në parlament e ministri të drejtësisë, që e shndërruan shtetin në mafie ju bëjnë fresk dhe u ferkojnë kurrizin.
Ku është pra reforma në drejtesi???
Turp.
Shihini provat ulëritëse(dokumente) të rrembimit të shtetit nga banditët e qeverisë.”
