Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Basha pas takimit me Varhelyi/ “Zgjidhja e krizës dhe reforma janë dy objektiva madhore të PD-së”

Nga Ejona 0

Kryetari i Partisë Demokratike, Lulzim Basha u shpreh i gatshëm për të zgjidhur krizën politike në vend.

Në një deklaratë për mediat pas takimit me Komisionerin për Zgjerimin, Oliver Varhelyi, Basha u shpreh se zgjidhja e krizës politike dhe hapja e negociatave janë objektivat kryesorë të PD.

“Zgjidhja e krizës së rëndë politike në Shqipëri arrihet përmes zgjedhjeve të lira nga një reformë zgjedhore dhe hapja e negociatave të anëtarësimit. Këto janë dy objektiva madhorë të PD.

Mikprita ndihmën e BE që mundësoi dialogun politik për reformën zgjedhore jashtë Parlamentit ilegjitim si hapi i parë për të çuar vendin drejt demokracisë reale. Pa ndodhur kjo, pa kthyer legjitimitetin në institucine, asgjë nuk do të bëjë përpara. Nuk do të ketë as zhvillim, as punësim.

Ne jemi të vendosur për t’i dhënë fund krizës politike, dhe jemi të gatshëm të bëjmë gjiithçka, me çdo kosto për zgjedhje të lira dhe të ndershme. Nuk ka rrugë tjetër përveç zbatimit të 9 kushteve të Bundestagut. Me komisionerin e Zgjerimit fola drejtpërdrejt, pata mundësinë të shihemi në sy dhe të mirëkuptohemi për prioritetet e shqiptarëve”, tha lideri demokrat.

I pyetur nga gazetarët nëse marrëveshja për reformën zgjedhore do të thotë se opozita pranon të shkojë në zgjedhje edhe me Edi Ramën, Basha e mohoi diçka të tillë.

“Edi Rama ka djegur çdo mundësi që të jetë një njeri i besueshëm për të shkuar në zgjedhje të lira. Me Edi Ramën nuk ka zgjedhje të lira dhe të ndershme”, u shpreh Lulzim Basha.

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej