Disa ditë më parë, gazetari Artan Hoxha publikoi një foto të kryeministrit Edi Rama me personin që është përmendur në listën e OFL-së, Ardian Çapja.
Gjatë emisionit, Hoxha tha se ky person është përfolur se ka mbështetur Partinë Demokratike, ndërsa nga ana tjetër ai ka një foto me kryeministrin në periudhë fushate.
Dje, në emisionin “Opinion” ishte gazetari Artan Hoxha që po fliste për aksionin e OFL-së. Drejtuesi i programit, Blendi Fevziu lexoi një mesazh që i ishte dërguar nga Ardian Çapja për atë foto.
Blendi Fevziu: Më shkruan një person më thotë jam Ardian Çapja.
Teksti i mesazhit: Përshëndetje Zoti Fevziu në respekt të gazetarisë dhe medias nuk reagova për të mos ofenduar personin në fjalë . ne jemi në shërbim të popullatës, të çdo individi, institucioni pasi jemi të licencuar siç edhe është profesioni i punësuar i çdo gazetari. Foto është e modifikuar nuk e di arsyen, ka shumë shpifje dh manipulime në media. Me respekt për gjithë gazetarët dhe punën e juaj, janë shumë prova dhe fakte të pakundërshtueshme juridike që avokatët do të ndjekin rrugën ligjore. Me respekt Ardian Çapja, nuk janë periudhat që thoni ju.
Artan Hoxha: Eshtë modifikuar foto apo periudha? Dhe kjo a është faqja e vetë resorit? I kohës, i faqes… Nuk e kam akuzuar unë Ardian Çapjen. Ku qëndron modifikimi këtu?
Ardian Çapja sipas Operacionit Forca e Ligjit është i dyshuar për një sërë vrasjesh në qytetin e Elbasanit për motive hakmarrjeje, ndërsa në qershor të vitit 2016 qëlloi ndaj Policisë. Sipas Policisë, Çapja së bashku me të afërm të tij ka kryer dhe vrasje me pagesë përgjatë viteve 2009-2016.
/Opinion/
