Një sasi prej 44 kg kanabisi është sekuestruar ditën e sotme në kufirin mes Maqedonisë së Veriut dhe Greqisë. Operacioni u zhvillua nga DEA amerikane me seli në Athinë në bashkëpunim me policinë e Kilkis. Autoritetet ndaluan një makinë ku u gjetën dy çanta brenda së cilave ishin 40 pako me 44 kg marijuanë.
Në kufi u arrestuan dy shtetas nga Maqedonia e Veriut, 41 dhe 45-vjeç. Operacioni vijoi në Selanik ku u arrestuar shqiptari 40-vjeç, i cili priste lëndën narkotike. Atij iu sekuestruan edhe 2400 euro që do i paguante për transportin e drogës deri në Selanik.
