Edhe sot studentët kanë dalë në protestë, duke kërkuar plotësimin e kërkesave të tyre.
Por ndryshe nga dita e djeshme, protesta është përhapur edhe në Universitetin e Durrësit, Korçës dhe Elbasanit.
Ndërkohë që kanë nisur të grumbullohen nëpër fakultetet përkatëse, Lëvizja për Universitetin ka paralajmëruar se protesta do të nisë në orën 10:00 përpara ministrisë. Ndërsa në Universitetin e Durrësit protesta do të nisë në orën 11:00.
Lëvizja për Universitetin thotë se studentët e Fakultetit të Drejtësisë, Mjekësisë, Shkencave Sociale, Histori Filologjisë, Gjuhët e Huaja dhe Shkencat e Natyrës kanë bojkotuar mësimin.
Studentët e Korçës
Studentët: Të anulohet VKM e krediteve, të përmirësohen kushtet e konvikteve, të gjysmohet tarifa që do dyfishohet vitin që vjen, të shtyhet afati i pagesave të shkollës.
Studentët e Elbasanit: Trup për Ramën, na quajti ngelësa
Studentet: Jemi të zgjënjyer pasi rektori Skënder Topi, pedagoget dhe përfaqesuësi i studentëve nuk kanë denjuar të na presin për bashkebisedim. Rama na quajti ngelsa! Turp për qeverine që nëpërkëmb studentet. I themi Nikollës: “Mendoni mirë mënyren e motivimit për studentet.”
Ata gjithashtu i kërkuan ministres Nikolla të përgjysmojë tarifat studimore, por edhe të përmirësojë kushtet në konvikte.
Por ministrja e Arsimit, Lindita Nikolla pasi diskutoi me drejtuesit e Universiteteve dha se VKM -ja për të cilët protestojnë studentët nuk ka hyrë ende në fuqi, ndërsa përgjegjësinë për tarifat ia kaloi Universiteteve./Oranews
