Presidenti i Serbisë, Aleksandar Vuçiç, tha se “është shumë e mundur” e “gati e sigurt” se nuk do të ketë takim të Parisit.
Më 1 dhe 2 korrik në Paris, pritet të mblidhen udhëheqësit e Kosovës dhe të Serbisë, nën organizimin e kancelares gjermane, Angela Merkel, dhe presidentit të Francës, Emmanuel Macron.
“Ky është mendimi im, do të shohim nëse kam të drejtë. Ne gjithsesi do të shkojmë nëse jemi të ftuar. Druaj se vlerësimi im është i saktë, por shpresoj të gaboj. Mungesa e një zgjidhjeje nuk duhet të jetë kapsulë për të krijuar ndonjë lloj konflikti”, shtoi Vuçiç.
Takimi i Parisit është cilësuar si shans për të shpëtuar dialogun për normalizimin e marrëdhënieve midis Kosovës dhe Serbisë. Vuçiç ka thënë se dialogu nuk do të vazhdojë derisa Kosova nuk e heq taksën.
“Jemi gati për këtë takim, por nuk mendoj se dikush dëshiron të dëgjojë edhe një herë se si dikush nuk do ta anulojë taksën”, tha presidenti serb.
