Nga Jonila Godole
Bazuar në nenin 18 të Kushtetutes, çdo person 80 vjeç e sipër që mund të semuret nga COVID-19 mund të hedhë në gjyq Kryeministrin shqiptar për diskriminim; për mosvaksinim në kohën e duhur dhe mosrespektim të kritereve miratuara nga autoritetet shqiptare sipas këshillave të OBSH!
Neni 19, pika b thotë tekstualisht: “askush nuk mund të diskriminohet për arsye sociale ose përkatesi prindërore”.
Të ashtuquajturit “personalitete” që janë përzgjedhur për vaksinim si rastësisht janë pikërisht ata që i shërbyen me devotshmeri regjimit komunist, për t’i zgjatur jetën diktaturës. Gjithë të tjerët, gra e burra që mbijetonin në kushte lemerie në fshatra e qytete djerrë të Shqipërisë, si dhe mijëra e mijëra të internuar a të burgosur politikë, “fundërrinat armike” të diktatures së proletariatit – këta nuk i përkisnin klasës së duhur sociale dhe përkatesisë prindërore-politike as dje dhe as sot. Diskriminimi vazhdon.
Nëse mes të përzgjedhurve “personalitete” do të kishte patur vërtet një të tillë, ai/ajo do ta kishin refuzuar këtë trajtim pa meritë dhe në thelb racist e antihuman.
Vaksinat nuk mund të shpërndahen në mënyrë arbitrare si karamele elektorale për të kënaqur votuesit besnikë të ish-PPSH.
Një kryeministër normal i një vendi që aspiron vlerat e BE nuk i ndan qytetarët në “të nënës dhe të njerkës”!
Ky është një rast i paprecedent në Europë dhe nuk mund të kalojë në heshtje.
