Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Të qash për të huajin që e bëjmë zot shtëpie, nën çatinë tonë!

Nga Klodiana 0

Nga Endrit Hoxhaj

Në jetën time, nuk mbaj mend të ketë lotuar kush më shumë se shqiptarët kur digjen vendet e huaja! Nuk di të ketë qarë ndonjëherë masivisht Shqipëria, për maskarallëqet që i bëhen çdo ditë popullit shqiptar! Nuk mbaj mend, që një vend i botës të jetë sidolarizuar me shqiptarët në raste tragjedish apo fatkeqësish, të cilat Shqipëria i ka pa fund të tilla. Nuk e di të jetë përlotur një grek për viktimat shqiptare, ndërsa shqiptarët qajnë në çdo rast për fqinjin e vjetër! Nuk mbaj mend të ketë qarë një francez a italian, viktimat tona. Shqiptarët qajnë edhe për ndërtesat franceze dhe madje flasin gjuhën e çdo shteti, vetëm e vetën të miklohen me pak dashuri mbijetese. (Në këtë trajtesë, nuk dua të nëpërkëmb madhështinë e vlerave estetike dhe arkitetktonike të Notre Dame në Paris). Ajo që më neverit është ekstremi ynë kombëtar për të bërë show në rrjetet sociale…

Shqiptari, historikisht, gjithmonë e ka mundur armikun. Më pas e ka bërë zot shtëpie. Për punët tona përherë kemi ftuar të huajt të na bëjnë komandë, sepse me “vëllain” tonë nuk flasim. Jemi armiq me të! Shqiptari më parë pranon të falë gjakun e familjes së tjetrit sesa atë të derës së tij. Shqiptari më lehtë i bën hesapet me një të huaj sesa bisedon me vëllanë bashkëkombas të tij! Ky teatër ka shekuj që luhet në kurriz të shqiptarëve, madje edhe nga politika e sotme, që aktron për pushtet dhe interes personal me regjizorë të huaj!

Shqiptarët mbajnë kokën nga BE dhe SHBA me shpresën se ato do e ndreqin Shqipërinë, do na vënë rregull në shtëpinë tonë. Kjo, sepse gjithmonë kemi pritur nga të huajt, që ne të bëjmë hajër. Aktualisht, Bashkimi Europian është duke kaluar një krizë të madhe për veten e tij. Shqipëria nuk shihet si pjesë e BE, por vetëm si një lopë për ta mjelë! Amerika ka në krye një president i cili akuzohet për vjedhje të votave në bashkëpunim me rusët. Ndërkohë, Shqipëria përsëri e shikon shpëtimin te të huajt…
Çdo shtëpi ka rregullat e saj, por shtëpia jonë e përbashkët Shqipëri, ka vendosur që problemet e veta t’ja zgjidhin të huajt e fortë. Edhe dikur, kur fuqitë e huaja e coptuan Shqipërinë, në këtë glob kanë ekzistuar Europa dhe Amerika. Ato janë sjellë njëlloj, sikur ne të ishim torta, që ëmbëlsonte qejfet e tyre! Edhe sot është po kjo Europë që s’ua njeh të drejtat e tyre shqiptarëve në Turqi, Greqi, Maqendoninë e Veriut, Mal të Zi, Itali e më gjerë në vende të tjera…

Shqiptarë vdesin në dhera të huaja dhe asnjeherë nuk ka drejtësi për ata! Pse politikanët tanë për të diskutuar dhe dakortëzuar problemet tona nuk ulen kurrë nën çatinë Shqipëri, por këto i bëjnë në kafenetë e kurvës Europë? Të gjithë futen me nxitim në BE, e Shqipërinë tonë, as se vrasin as s’e lëshojnë! Ka ardhur momenti që shqiptarët t’i bëjnë detyrat me zgjuarsinë e tyre dhe jo me atë të komshiut zhvatës! Ka ardhur koha të qajmë më shumë për fëmijët dhe familjen tonë sesa për familjarët e të huajit! Le të mbarojë sa më parë ky show allashqiptar i të dukurit “i sidolarizuar” me të gjithë, por me fatkeqësitë tona kurrë?

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej