Haradinaj prokurorëve serbë për rastin e tij: Kryeqyteti im nuk është Beogradi.
Lideri i Aleancës për Ardhmërinë e Kosovës, Ramush Haradinaj i ka cilësur kukulla të Serbisë Presidenin e Kosovës, Hashim Thaçi dhe Kryeministrin Isa Mustafa.
Në një postim në rrjetet sociale, Haradinaj ka mbajtur një qëndrim kritik ndaj dy liderëve kosovarë, përsa i përket takimit që do të zhvillohet ditën e nesërme mes Kosovës dhe Serbisë në Bruksel.
Ai e ka cilësur mospërfaqësim të popullit kosovar, pranim pa kushte dialogun me Serbinë nga ana e udhëheqësve kosovarë.
“Që të ulesh në një tavolinë bisedimesh me Serbinë, që po i shkakton kaq shumë dëme Kosovës, kjo edhe përmes sulmeve e marifeteve të fundit, siç janë muri, treni dhe fletarrestet e sajuara, do të thotë të mos e kuptosh interesin e shtetit tënd”, shkuan Haradinaj.
Më tej Haradinaj thotë: “…sa i përket deklarimeve të prokurorëve e të politikanëve serbë për rastin tim, i porosis të gjithë ata, se kryeqyteti im nuk është Beogradi.”
