Nga Andi Bejtja
Gjermania bëri deklaratën më të fortë të mundshme ndaj tentativës së Kryeministrit Rama për të prekur Kushtetutën, pasi për të hapur listat, por në fakt për të vetmin qëllim, për të penguar koalicionet qeveritare.
Thelbi i deklaratës është i rëndë dhe megjithëse është një apel i fortë për mazhorancën, me thënë të drejtën prek të gjithë shqiptarët, sepse ka vendosur si kusht mosprekjen e Marrëveshjes së 5 qershorit me hapjen e negociatave.
“Bundestagu gjerman nuk do të aprovojë konferencën e parë ndërqeveritare dhe hapjen e negociatave të anëtarësimit, për aq kohë sa nuk miratohet Marrëveshja e 5 qershorit nga Parlamenti pa asnjë ndryshim dhe pa ndryshime kushtetuese që minojnë këtë marrëveshje”.
Pas kësaj deklarate, të gjithë po presin reagimin e Ramës, (do tërhiqet, nuk do tërhiqet, ndërkohë të them të drejtën më kurioz, personalisht jam si do e kuptojë këtë deklaratë, opozita parlamentare, dhe në veçanti Rudina Hajdari, e cila ndryshe nga kolegët e saj, vazhdimisht nënvizon që po lufton për ideale, siç është shprehur dhe ajo vetë “për demokracinë dhe për të ardhmen e Shqipërisë në BE”.
Deri tani, në rastin më të mirë, kanë pretenduar se “po përdorin djallin, për punë të mira”.
