“Shpërthim i vullkanit Etna në Siçili, mund të ndihet deri në Shqiperi, veriun e Greqisë, Maqedoni, juglindjen dhe jugun e Kosovës, si dhe Bullgari”, paralajmëron “Accuëeather”.
Përgjatë ditëve në vazhdim, hiri do të përhapet në Italinë jugore, por nuk përjashton mundësinë e një përkeqësimi të cilësisë së ajrit, sepse hiri mund të shkaktojë probleme me frymëmarrjen.
Prania e hirit në ajër mund të sjellë vonesa të vogla të fluturimeve mbi detin Mesdhe, sidomos atyre në afërsi të zonës së vullkanit.
Etna, vullkani më i lartë i kontinentit të vjetër, nisi të lëshonte mbrëmjen e së hënës llavë dhe hi. Ngritja e këtij të fundit në atmosferë vazhdoi përgjatë ditës së martë. Shpërthimi i fundit madhor i saj është regjistruar në vitin 1992.
