Kryetari i grupit pralametar të Partisë Socialiste Gramoz Ruçi u shpreh se PS është e gatshme për çdo ndryshim në kodin zgjedhor, por të tilla interesa sipas tij nuk ekzistojnë, ka vetëm për qeveri teknike.
Gjatë ceremonisë së shpërndarjes së legalizimeve në Roskovec të Fierit, Ruçi tha se PS pranon çdo propozim për reformën zgjedhore të certifikuar nga OSBE-ODIHR. Gjithashtu ai i bëri të ditur Partisë Demokratike se Kushtetuta e përcakton qartë se zgjedhet bëhen një herë në katër vite.
Më tej ai tha se diskutimi i datës 18 qershor, ditës kur do të mbahen zgjedhjet, do të thotë një Shqipëri e destabilizuar. Ndëkaq Ruçi tha se zgjedhja e presidentit është në rrezik nëse nuk realizohen zgjedhjet e 18 qershorit.
