Ditën e sotme kryeministrin Edi Rama e kanë pritur me protesta në Shkodër duke i bllokuar rrugën te Ura e Bahcallekut.
Ish-deputetët demokratë Flamur Noka dhe Bardh Spahia së bashku me protestues kanë dalë në protestë në zonën e urës së Bahçallëkut, në segmentin hyrës të këtij qyteti dhe në Mjedë, në Urën e Spatharit.
Demokratët shfaqen të tensionuar duke u përplasur dhe fizikisht me shefin e policisë i cili u shpreh se për protestë duhet të merret leje.
“Ju kanë vënë në shërbim të bandës së pushtetit, ju mendoni se po i shërbeni shtetit. Qytetarët e kanë fituar të drejtën e protestës një herë e mirë. Protestat vetëm njoftohen dhe nuk marrin leje. Zotëri, ai (Edi Rama) është i paligjshëm, përfaqëson urrejtjen ndaj këtij qyteti, këtij vendi. Nuk është i mirëpritur këtu”, u shpreh Noka.
