Nga Maliqi ku ndodhej për fushatë kryeministri Rama nuk i kurseu notat e ironisë ku tha se jo vetëm Bashën e Metën, por “fallxhorja” ashtu siç i drejtohet ai kryetares së LSI-së Monika Kryemadhit, ka çmendur edhe Tit Vasilin e Neritan Cekën.
“Kjo kishte çmendur edhe Neritan Cekën, goxha burrë, 75 a 80 vjeç kishte dalë në tv e mallkonte si ta kishte pickuar gjarpri…sikur e kishin përjashtuar nga ndonjë sekt fetar, pse e zuri hirra. Ka edhe të tjerë, keni parë dajë Tit Vasilin kur flet? Duket sikur sapo është pickuar nga gjarpi. Ca janë këta moo? parti janë këta? Skuadra programesh që do ndërtojnë Shqipërinë…”,- vijoi Rama.
Rama vijoi duke thënë se: “shyqyr që zoti s’përfshihet në zgjedhje se do ta kishte mbyllur fallxhoren në shtëpi…se dihet shumë mirë kush i blen votat. Këtë SHPK e sheikut të Skraparit e ka thënë edhe Lulzimi më herët po tani e pickoi gjarpri”.
