Nga Milaim Zeka
Kam shkruar vite më parë, se si një agjent serb, me origjinë maqedone, Tomanov, ka deklaruar: sa herë të doni, me 20 milionë dollarë, e destabilizoj Shqipërinë dhe Kosovën bashkë.
Sali Berisha, me krejt qeveritë e tija të koalicionit, dyer e dritare ia pat hapur biznesit dhe agjenturave serbe. Hiç ma mirë nuk ka vepruar Edi Rama, duke marrë këshilltar kryesor agjent serb.
Shqipëria u kall në ‘97-tën. Prapë po kallet, bash kur Kosova do të vendosë për tri gjëra jetike: ushtrinë, demarkacionin, dhe bashkësinë e komunave.
Kur e pata takuar Edi Ramën nja katër-pesë muaj para se të bëhej kryeministër, një pyetje ia pata bërë. Isha me dy dëshmitar: Bledin dhe Florin. Pyetja ishte kjo: Kryeministër do bëhesh, po a do kesh guximin ta arrestosh Sali Berishën dhe Lulzim Bashën?!
Asnjë përgjigje nuk mora. Asnjë veprim në atë drejtim. Aty me vonë e kuptova se të dy palët janë njësoj.
Më dhimbsen ata njerëz qe dolën në bulevard dje. Shqiptarët janë lodhur me zgërdhirjet e Edi Ramës e me hajnitë milionëshe të shumë ministrave.
Një Zot e di se si do të përfundoje kjo punë. Nuk po e kuptoj se çfarë gjynahesh paskemi bërë para Zotit, që gjithë asaj turmet i prijnë politikanë hajna e kriminelë si Sali Berisha e Lulzim Basha?!
Zgërdhirjet dhe tallja e Edi Ramës, mund t’i kthehen në vaj, dhe ofshamë!!!
Sa e nxirrte live dje fjalimin e Bashës, është dashur t’u tregojë ndjekësve të vet se pse të vrarët e 21 Janarit ende nuk kanë “vrasës” prapa kangjellave, e jo të tallte fundshpinën, qysh i thojnë me kulture, duke treguar qytetarinë e vet me mbarëvajtjen e protestës.
