Kryeministri Rama dhe kreu i opozitës Ilir Meta, janë paraqitur në kryesinë e Kuvendit, atje ku i pret kryetari i Kuvendit Ilir Meta, nëtakimine organizuar nga Meta. Ftesa për këtë takim ishte bërë nga Ilir Meta një ditë më parë. E njejta ftesë si ajo për Ramën e Bashën, i ishte drejtuar edhe dy ambasadorëve, Lu e Vllahutin.
Ambasadori i SHBA-së, Donald Lu dhe ajo e BE-së, Romana Vllahutin, kanë konfirmuar se nuk do të marrin pjesë pas deklaratës së kreut të PD-së, Lulzim Basha, që nuk e përmend propozimin hibrid, kusht i Lu dhe Vlahutin për të marrë pjesë në takim. Nga ana tjetër burime nga PD thonë se nuk ka tërheqje pas deklaratës së ambasadorëve.
“Ambasadorët Vlahutin dhe Lu informuan Kryetarin e Kuvendit z. Meta se pas deklaratës së z. Basha, ambasadorët nuk e kanë të mundur të marrin pjesë në negociatat e parashikuara për 18 korrik. Z. Basha foli për një qeveri teknike dhe nuk e përmendi propozimin hibrid që ai diskutoi me Ambasadoren Nuland më 10 korrik. Nëse z. Basha e rideklaron angazhimin e tij të mëparshëm për të negociuar ekskluzivisht mbi bazën e propozimit hibrid, vetëm atëherë ambasadorët do t’u bashkohen këtyre diskutimeve”, thuhet në njoftimin e ambasadave.
Një ditë më parë kryeparlamentari Meta ftoi zyrtarisht në një takim në kryesinë e Kuvendit për të gjetur konsensus për reformën, Ramën, Bashën dhe dy ambasadorët. E duke qenë republikë parlamentare, nuk mund të mungojë kreu i Kuvendit, Ilir Meta. Ambasadorët Donald Lu dhe Romana Vlahutin kanë qenë të parët që i janë përgjigjur pozitivisht ftesës e më pas kryeministri Edi Rama, por kushti i tyre ka qenë që në tryezën e debatit të jetë vetëm propozimi hibrid i Nuland dhe jo propozimi i PD.
