Meteorologët: Bora dhe ngricat prezente gjatë gjithë muajit janar
Dëbora është rikthyer përsëri në pjesën më të madhe të vendit. Edhe pse me rritjen e temperaturave në javën që lamë pas meteorologët thonë që ngricat dhe dëbora do të jenë sërisht prezente pothuasje gjatë gjithë muajit janar.
Ditën e sotme edhe pse me intensitet të dobët kanë nisur reshjet e borës përsëri në qarqet Kukës, Shkodër, Dibër, Elbasan dhe Korçë.
Shkodër
Në qarkun e Shkodrës të gjitha akset kombëtare janë të qarkullueshme pa probleme. Përdorimi i zinxhirëve është i nevojshëm në disa akse rurale të këtij qarku.
Të qarkullueshme me zixhirë janë akset rrugore Shkodër – Shllak – Temal ,Tamarë – Vermosh, Hadroj – Qafë – Bene ,Fushë Arrëz – Qafë Mali – Fierzë, Fushë Arrëz – Qafë Shllak, Qafë Çele – Pukë – F.Arrëz, Qafë Qerret – Qelëz- Bardhet – Iballë dhe Shkodër – Bregu Lumit – Theth
Aksi rrugor Shkodër – Theth është i kalueshëm deri në Qafë Thore
Kukës
Të gjitha akset kombëtare në shkallë qarku qarkullohen pa zinxhirë, përjashtuar aksin rrugor Ura e Zapotit-Shishtavec. Aksi rrugor për në Njësinë Administrative Arrën vazhdon i bllokuar. Në Njësinë administrative Gjinaj ka pasur probleme me furnizimin me energjinë elektrike.
Dibër
Në akset rrugore Qafë Bualli – Peshkopi – Maqellarë – Bllatë, Kuben – Vasie, Ura e Qytezës – Zerqan dhe Ura e Çerenecit – Steblevë qarkullimi i mjeteve kryhet pjesërisht me zinxhirë. Në aksin Qafë Bualli – Krastë, qarkullimi i mjeteve bëhet me zinxhirë. Aksi rrugor rural Peshkopi-Lurë vazhdon të jetë i bllokuar, por kalimi i mjeteve kryhet nga aksi rrugor Kurbnesh- Lurë.
Korçë
Në qarkun e Korçës të gjitha akset kombëtare janë të qarkullueshme. Aksi rrugor Korçë – Boboshticë – Dardhë është i kalueshëm me zinxhirë ndërsa aksi Korçë-Ersekë është i kalueshëm me zinxhirë në pjesë të caktuara. Probleme me furnizimin me energji elektrike ka pasur në fshatin Mollas të bashkisë Kolonjë.
Vlorë
Në Llogora ka patur pak rreshje bore, që janë pastruar dhe qarkullimi është pa probleme. Pa probleme qarkullohet edhe në Muzinë. Edhe në akse të tjera të këtij Qarku nuk ka probleme për qarkullimin.
