Mbrëmjen e djeshme kryeministri i Kosovës, Ramush Haradinaj ka patur një takim me presidentin e Shqipërisë, Ilir Meta. Kujtojmë se lideri tjerër i Kosovës Hashim Thaçi kanë shfrytëzuar daljet mediatike në Shqipëri, për të bërë akuza të ndërsjella.
Lidhur me takimin Meta – Haradinaj, fillimisht ka njoftuar vetë Presidenti i Shqipërisë në një postim në profilin e tij në Facebook. “Kënaqësi e veçantë të ndaja sërish me kryeministrin, Ramush Haradinaj në Durrës pikëpamje mbi sfida të përbashkëta që forcojnë marrëdhëniet midis dy vendeve dhe perspektivën e përbashkët evropiane”, ka thënë Meta.
Pas tij ka shkruar edhe Haradinaj. “Qëndrime unike me Presidentin Ilir Meta për temat me rëndësi për Kosovën e Shqipërinë”, ka thënë ai.
Por kreu i shtetit, Hashim Thaçi, i ftuar në Top Channel, ka përsëritur idenë e korrigjimit të kufijve duke thënë se Lugina me tri komunat, Preshevë, Bujanovc dhe Medvegjë t’i bashkohen Kosovës derisa asnjë pëllëmbë të saj nuk do t’ia jepet Serbisë. Ndër të tjera ai ka akuzuar ish-kryeministrin Sali Berisha, duke e quajtur atë argat të Millosheviqit.
“Edhe pse më ka burgosur edhe pse bashkëluftëtarët e mi, unë e kam respektuar dhe i kam shkruar në zyrë kur ishte i izoluar nga kombi dhe bashkësia ndërkombëtare në vitin ’99. E kam gjetur në gjendje të çakorduar mendërisht”, ka thënë Thaçi.
