Mesila Doda, sekretare e përgjithshme e PDIU-së nuk është kursyer ndaj deklaratave më të fundit të ministrit të Mbrojtjes, Panos Kammenos, i cili me një gjuhë fodulle, karakteristikë e të paditurit plot me veten, ka thënë se çamët janë kriminelë lufte.
Më poshtë deklarata e sekretares së përgjithshme të PDIU-së, Mesila Doda:
Ministri i Mbrojtjes grek Panos Kammenos, u shfaq sot në mediat greke tejet i kënaqur për marrëveshjen midis Shqipërise e Greqisë. Pasi hoqi uniformën ushtarake, që sfiloi për turpin e vet në kufirin tonë jugor dy vite më parë, del si derr i majmur e i kënaqur e deklaron se morëm nga marrëveshja me Shqipërinë atë që deshëm dhe se “Çamët janë kriminelë lufte që bashkëpunuan me nazistët dhe se ne nuk do të negociojmë me kriminelë”.
Në të vërtetë Kamenos është i fundit politikan që mund të flasë për kolaboracionistë e kriminelë, sepse është përfaqësuesi tipik ultranacionalist, pasardhës i atit të tij shpirtëror, kriminelit Napoleon Zerva. Nuk di çfarë ka ndryshuar qysh herën e fundit që tregonte tanket e ushtrinë në kufirin tonë, akt i paimagjinueshëm mes dy vendeve antarë të NATO-s, por më duhet t’i rikujtoj disa foto të paraardhësve të kolegëve të tij në kabinetin qeveritar e të ish-kryeministrit të tij me nazistët e kriminelët. Nga këtu le të gjejmë cilët jane kriminelët e cilët viktimat….
