Deputetja e larguar nga PD inkurajon kolegen e saj socialiste për vendimin e marrë në mbështetje të Ben Blushit, kundërshtarit të Ramës në PS
“Rrugë e vështirë zysh Moza… do kesh shumë vështirësi, por tek e fundit do jesh e çliruar prej mëkatit të heshtjes. Ta them për eksperiencë”, ky është mesazhi i deputetes Mesila Doda e cila është larguar tashmë nga grupi parlamentar i Partisë Demokratike. Doda mbështet qëndrimin e deputetes socialiste, Mimoza Hafizi, e cila ka vendosur të dalë publikisht në mbështetje të deputetit socialist, Ben Blushit.
Ky mesazh i deputetes së PD-së, i referohet përvojës së saj personale, betejes së zhvilluar në PD për parimet e funksiomit të kësaj partie, deri tek përjashtimi si rebele që nuk i bindet vijës së partisë. Rasti i Dodës në PD dhe Hafizit në PS, duken si një provë se gratë e politikës guxokan më shumë të dalin kundër diktatit të kryetarit, përkundrejt burrave “konformist” të politikës shqiptare.
