Lidhur me letrën publike të Kryeministrit Rama ndaj liderit të opozitës, Lulzim Basha për t’u ulur në dialog, ka reaguar ish-deputeti i Partisë Demokratike, Ervin Salianji ku thot se qëndrimi i PD-së është i qartë, s’mund të ketë dialog me Ramën kryeministër.
Salianji shtoi se data 30 qershor është e ezauruar për zhvillimin e zgjedhjeve dhe se këtë e dinë edhe socialistët.
“Nuk ka diskutim që ne kemi një qëndrim të qartë politik që nuk mund të kemi dialog me Ramën kryeministër. Data 30 qershor sot është e ezauruar. Këtë edhe socialistët e dinë. Tërheqja mbrohet në kontekstin se cilat janë zgjidhjet për qytetarin shqiptar. Nuk mund të negociosh zgjedhjet e lira dhe të ndershme. Opozita i ka bërë tërheqjen e saj me kohë. Opozita i ka ezauruar të gjitha opsionet. Pa diskutim nuk do të ketë një zgjidhje me Ramën kryeministër”, u shpreh Salianji.
