Situata në vendin tonë vijon të paraqitet alarmante. Ministria e Shëndetësisë bën me dije se gjatë 24 orëve të fundit kanë humbur jetën 4 persona si pasojë e Covid-19, një 57-vjeçare nga Shkodra dhe po 57 vjeçe nga Dibra, një 75-vjeçar nga Durrësi dhe një 81-vjecare nga Tirana, duke e çuar në 93 numrin total të viktimave.
Në 24 orët e fundit ka shtrime dhe në radhët e moshave të reja. Janë 72 pacientë të shtruar, 3 në terapi intensive ndërsa 4 të intubuar
Gjatë 24 orëve të fundit janë bërë 420 testime, nga të cilat 83 raste kanë rezultuar pozitive, duke e çuar në 3454 numrin total të të infektuarve që nga përhapja e pandemisë.
Shpërndarja gjeografike
38 Tiranë
12 Berat
6 Durrës
4 Shkodër, Elbasan Vlorë
3 Krujë dhe Kukës
2 Urë Vajgurore dhe Përmet
1 rast në Lezhë, Mirditë, Gjirokatër dhe Himarë
Ditën e fundit janë shëruar 65 qytetarë, në total 1946.
Aktualisht ka 1415 persona aktiv me Covid-19 në vendin tonë, kryesisht në Tiranë, Durrës dhe Elbasan.
