E Djathta nuk mund të jetë anestezi për të Majtën!

Duhet të lëçisni

OBSH: Numri i rasteve me Covid është rritur për të 7-ën javë radhazi

Tedros Adhanom Ghebreyesus, drejtor i përgjithshëm i Organizatës Botërore të Shëndetësisë, tha se numri i rasteve me Covid është rritur për të shtatën ditë...

Basha: Shqipëria burim kryesor i trafikimit të kanabisit në BE

Kryetari i Partisë Demokratike, Lulzim Basha mëngjesin e kësaj të marte në kuadër të zgjedhjeve të 25 prillit e ka nisur sërish me një...

Sulm me armë në shkollë në SHBA, humb jetën një person

Një person ka mbetur i vdekur në një shkollë të mesme në Noksvill të shtetit Tenesi pas një incidenti me armë zjarri që la...

Investigimi i Guardian: Si e lejoi Facebook qeverinë shqiptare të shtrembërojë diskursin politik

Një investigim i bërë nga britanikja “The Guardian” ka ekspozuar sesi gjiganti i rrjeteve sociale Facebook ka lejuar politikën ne vende të pazhvilluara që...

Nga Elona Caslli

Në qëndrimet e ndryshme mbi ngjarje të mbrapshta nën firmën e Rilindjes, përballesh shpesh me qëndrime të llojit; Edhe në kohën e Berishës, janë bërë këto.

Duket se ky qëndrim është një lloj anestezie, e cila e vë në gjumë ngjarjen dhe revoltën që mund të ngjallë kjo e fundit.

Duket si pjesa e një teatri absurd, ku përligjet paradoksalisht fakti, që meqenëse ngjarje të mbrapshta kanë ndodhur në të shkuarën, ato nuk duhet të na revoltojnë në të tashmen.

Nuk është aspak synimi im të bëj avokatinë e të djathës.
Faturat për veprimin apo mosveprimin e saj, i paguan vetë çdo forcë politike.

Ajo çka është shqetësuese në këtë mes, është se çështja në fjalë trajtohet si ndeshje futbolli.
Dhe ndeshja del gjithmonë barazim.

Janë bërë faje në të shkuarën dhe nuk kemi pse të çuditemi në të tashmen.
Madje, do ish mirë as mos të reagonim hiç.

Ky mentalitet përmban frikshëm dy kategori njerëzish:

1. Partiakët. Ata që të vërtetën e shohin, veçse me sytë e partisë.
2. Të njehsuarit me të mbrapshtën. Ata që janë mësuar me të keqen dhe nuk u bën më përshtypje.

Të dyja kategoritë si kundërargument përdorin të djathtën.

Do të doja shumë t’i gjeja një rrafsh logjik, ku ta mbështesja këtë mentalitet, por sipas mendimit tim, nuk ekziston një rrafsh i tillë.

Reagimi ndaj një ngjarjeje të mbrapshtë nuk duhet të vijë si thirrje partiake.
Duhet të vijë si thirrje qytetarie.

Nëse si argument kundër përdoret Berisha, atëherë dëshmojmë se kemi mbetur peng i partisë dhe debatojmë vetëm me argumente partiakë.

Papërgjegjshmëria e një kryeministri në të tashmen, nuk duhet përligjur me faktin se kjo e fundit ka ndodhur në të shkuarën.

Me këtë ritëm, në një ardhje hipotetike të Bashës në pushtet, rezulton se nuk duhet të revoltohemi kurrë.
Sipas kësaj logjike, Basha duhet të bëjë fillimisht skandalet e Ramës dhe pastaj ne mund të revoltohemi.
Pa arritur barazimin, nuk ka revoltë.

Nëse do të përdorim argumentet partiakë në diskutime, do të lëmë jetën peng brenda tyre.

Nëse 30 vite postdiktaturë, nuk na kanë mësuar dallimin mes një qëndrimi qytetar dhe qëndrimi partiak, atëherë do ta kemi të vështirë të mbajmë një qëndrim të pavarur gjithmonë e më shumë.

E shkuara e së Djathës nuk mund të shërbejë si anestezi për të tashmen e së Majtës.

Post Scriptum: Revolta qytetare është thelbi i lirisë.

Më shumë shkrime

Lër një përgjigje

Ju lutem lini komentin tuaj!
Ju lutem vendosni emrin këtu

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

E Freskët taze

OBSH: Numri i rasteve me Covid është rritur për të 7-ën javë radhazi

Tedros Adhanom Ghebreyesus, drejtor i përgjithshëm i Organizatës Botërore të Shëndetësisë, tha se numri i rasteve me Covid është rritur për të shtatën ditë...

Basha: Shqipëria burim kryesor i trafikimit të kanabisit në BE

Kryetari i Partisë Demokratike, Lulzim Basha mëngjesin e kësaj të marte në kuadër të zgjedhjeve të 25 prillit e ka nisur sërish me një...

Sulm me armë në shkollë në SHBA, humb jetën një person

Një person ka mbetur i vdekur në një shkollë të mesme në Noksvill të shtetit Tenesi pas një incidenti me armë zjarri që la...

Investigimi i Guardian: Si e lejoi Facebook qeverinë shqiptare të shtrembërojë diskursin politik

Një investigim i bërë nga britanikja “The Guardian” ka ekspozuar sesi gjiganti i rrjeteve sociale Facebook ka lejuar politikën ne vende të pazhvilluara që...

Denincimi i qytetarit: Në rrugën “Dhorkë Orgocka” po kryhen arnime për fushatë elektorale (film)

Një tjetër denoncim është bërë nga qytetarët për rrugën Dhorkë Orgocka, pasi Bashkia përdor fushatën elektorale për të kryer riparimin e Rrugës. Nga videoja e...