Nuk jam vetëm në këtë betejë me Edi Ramën, ka thënë Ben Blushi në një intervistë në News24. Deputeti socialist tha se duhen edh 40 ditë për të shkuar deri në kongres dhe deri atëherë sipas tij priten surpriza. Blushi pretendon se do të thyhet heshta në PS dhe se përkrah do të ketë shumë socialistë që do ta mbështesin. Deputeti socialist tha se vota do ta tregojë se sa vetëm është në këtë betejë.
Blushi kërkon që të zhvillohet garë për kryetarin e Partisë Socilaiste në kongresin e marsit, bazuar në statutin e partisë. Ndërkohë që Rama dhe drejtuesit e tjerë në PS pretendojnë se kryetari nuk ka pse të votohet brenda partisë kur ka fituar dy palë zgjedhje dhe është votuar më gjërë se sa elektorati i partisë që drejton.
