Nga dita e sotme subjektet politike nuk do të mund të konstestojnë dhe ankimojnë më rezultatet e zgjedhjeve të 25 qershorit. Ishte kjo deklarata që dha në një dalje për mediat kreu i KQZ, Klement Zguri.
Zguri bëri me dije se krahas PDIU, edhe PD e PS kanë kontestuar disa nga tabelat përmbledhëse. Konkretisht PDIU ka kontestuar tabelën përmbledhëse për Qarkun Tiranë.
Ndërkohë që KQZ-ja ka vendosur që nesër paradite të shqyrtojë kërkesën e PDIU-së, ndërkohë që ende nuk ka vendosur se kur do të shqyrtojë kërkesën e PS-së që ka kontestuar tabelën përmbledhëse për Qarkun e Tiranës. PD ka kontestuar tabelën përmbledhëse për Qarkun e Beratit.
