Policia italiane ka shkatërruar një bandë kriminale që merrej me trafikimin e kokainës dhe marijuanës mes Shqipërisë, Gjermanisë e Italisë. Në prangat e policisë kanë rënë 11 persona ku mes të cilëve ka edhe shqiptarë.
Sipas midiave italiane, organizata kriminale trafikonte kryesisht marijuanë dhe kokainë nga Shqipëria drejt Italisë dhe më tej në Gjermani.
Arrestimet janë kryer në Shqipëri, Itali e Gjermani. Gjatë hetimeve 2 persona janë arrestuar në flagrancë, ndërsa janë sekuestruar 3 kg kokainë dhe 19 kg marijuanë.
Personat e arrestuar akuzohen për pjesëmarrje në organizatë kriminale, me qëllim blerjen, përpunimin, tregtimin dhe shpërndarjen e lëndëve narkotike.
