Ditën e sotme PDIU ka protestuar kundër vizitës së ministrit të Jashtëm, Nikos Dendias, teksa simpatizantët e saj janë marrë zvarrë nga policia, e cila ka arrestuar me dhjetëra aktivistë të PDIU dhe Shoqatës “Çamëria”.
Policia ka proceduar penalisht 18 persona, mes të proceduarve janë kryetari i PDIU, Shpëtim Idrizi, Mesila Doda dhe Bojken Abazi i Vetëvendosjes. Njoftohet se policia ka vendosur gjoba ndaj qytetarëve që nuk kishin vendosur maskat mbrojtëse.
https://www.facebook.com/284923454880724/videos/3322059081351642
Njoftimi i policisë:
Organizuan grumbullim dhe manifestim të paligjshëm, procedohen penalisht 18 shtetas, 3 prej tyre organizatorë të tubimit, për veprat penale “Organizimi dhe pjesëmarrja në grumbullime e manifestime të paligjshme” dhe “Mosbindja ndaj urdhrit të punonjësit të policisë”. Gjatë zhvillimit të tubimit, Policia para se të ndërhynte për të shpërndarë tubimin, u ka bërë thirrje protestuesve që të shpërndaheshin, pasi po zhvillohej në kundërshtim me masat anticovid.Në përfundim të veprimeve u proceduan penalisht 3 organizatorët e tubimit Sh. I., M. D., B. A. dhe 15 shtetas të tjerë. Gjithashtu, në zbatim të Aktit Normativ, shërbimet e Policisë i kanë vendosur masat administrative përkatëse (gjobë), shtetasve që nuk kishin vendosur maskat mbrojtëse. Policia e Tiranës apelon për të gjithë qytetarët që të zbatojnë me rigorozitet masat parandaluese anticovid dhe iu bën thirrje të gjitha subjekteve politke të mos organizojnë tubime dhe grumbullime duke shkelur protokollet e sigurisë në dëm të shëndetit të qytetarëve.
