Dita në TVSH ka nisur paska e “çmendur” këtë mëngjes. Poeti Agim Doci, i ftuar në emisionin “Mirëmëngjes Shqipëri” ka komentuar pjesëmarrjen dhe qëndrimin e tij mbi protestën në Rrugën e Kombit e më pas në atë që prej tri ditësh po zhvillohet te Drejtoria e Policisë në Tiranë.
Inttervista ka nisur kështu:
Agim Doçi: Kur ne dhe medias i hiqet fjala e lirë, shteti mund të të marrë si delet e të çojë në kasaphanë.
Me këtë po e nis që të bëhemi edhe pak interesantë. I keni marrë leje drejtorit të përgjithshëm për me thirr Agim Doçin këtu në studio?
Enkel Demi: Jo
Agim Doçi: E hëngrët të tre
Enkel Demi: Të tre jo, dy jemi.
Agim Doçi: Jo, po e ha edhe unë.
Enkel Demi: Meqë ke qenë atje ta pësosh ti i pari, pse nuk të kanë arrestuar akoma?
Agim Doçi: A do me ta dhan një pyetje hua, mua nuk më trembin zinxhirët. I vetmi zinxhir që më tremb është ai i pantollonave, se në këtë moshë që jemi mund ta harrojmë edhe hapur.
Më tej poeti ka vijuar rrëfimin, duke treguar se çfarë ndodhi atë ditë në Kalimash ku theksoi se policia ka provokuar malësorët të cilët nuk mund të durojnë të rrihen.
“Arsyeja që shkova në protestë është që 8 vjet kam qenë banor i Kukësit të vjetër. Para se me u ba poet jam ba nip Kolonje dhe djalë Mirdite, kam më shumë dekorata se sa men. Unë e ngrita traun në këtë studio dhe do flas pa doganë në mënyrë që të lehtësohen edhe organet e drejtësisë, të policisë, të prokurorisë dhe të gjykatës.
Protestuesit bënë thirrje për protestë paqësore. Jemi në prag të një integrimi në Europë dhe ky është një skenar për të djegur pronat e koncensionarëve. Njëri është Salillari dhe Kastrati. Në krah të majtë është një 4 katësh që do bëhet hotel e restaurant. I ndërtuar pa leje. Po këto kabinat kanë leje ndërtimi?
Tetë vjet si sh-banor i Kukësit deklaroj, nuk ka më qytetarë fisnikë se sa kuksianët edha hasjanët. Kur i kanë parë këta djem ka fillu shkopi. Kam fotografuar të gjitha ato që kanë ndodhur aty. Drejtori i KTV bëri thirrje por protestë paqësore, ndërsa kur kërkova lejen e protestës ata e kishin, leje të përhershme.
Protestuesit i provokoi policia, prandaj kishte dhune. Në kabina kishte edhe bidona 20 litërsh me benzinë. S’kam parë policë më pa nishan. Etnopsiqika e malësorëve nuk e duron rrahjen.
Fatmir Xhafaj nuk mund ‘ti bëjë malësorët kukurec.”
https://youtu.be/O1NeIQFgEfE?list=PL0XoaVRW0j7APjJx1pJTjEwx1RaT-JWof
