“Do të mirëprisja që zoti Rama dhe Dule të ishin mbështetës dhe miq të zgjidhjes së çështjes së shqiptarëve të Çamërisë”
Kryetari i PDIU-së, Shpëtim Idrizi, reagoi pas deklaratës së kryeministrit Rama gjatë replikës me kreun e PBDNJ-së, Vangjel Dule, ku i tha: “Hajde në PS se do të bëj mik edhe me Shpëtim Idrizin.”
Në përgjigje të kësaj deklarate, kryetari i PDIU-së, Shpëtim Idrizi, tha se nuk ka asnjë afeksion nga miqësitë politike të Ramës. Përmes një reagimi të shkurtër, Idrizi ftoi Ramën e Dulen të mbështesin zgjidhjen e çështjes së shqiptarëve të Çamërisë.
“Nuk ndikohem nga miqësitë politike të Ramës. Do të mirëprisja që z. Rama dhe Dule të ishin mbështetës dhe miq të zgjidhjes së çështjes së shqiptarëve të Çamërisë”.
Në seancën e sotme parlamentare, kryeministri Rama replikoi me kryetarin e PBDNJ-së, Vangjel Dule. Debati mes tyre është acaruar, pasi Dule e çuajti kone, deputetin socilaist Erjon Braçe dhe në përgjigje të kësaj fyerjeje, Rama iu drejtua Dules: “Si të vjen ty të të themi mos u bëj kone e Greqisë?!”
