“Duam paqe me Kosovën dhe nuk do të jemi ne të parët që ta vëmë në rrezik”. Kështu është shprehur Presidenti i Serbisë, Tomislav Nikoliç një ditë para takimit të nivelit të lartë që do të zhvillohet këtë të martë mes Kosovës dhe Serbisë në Bruksel.
Në një prononcim për një media Ruse, Nikoliç thotë se paqja mund të arrihet vetëm nëse të dyja palët repsktojnë marrëveshjet.
“Shqiptarëve do t’u themi hapur se respektimi i marrëveshjeve është thelbësor për të pasur paqe, ndërsa përfaqësuesve të Bashkimit Evropian do t’u bejmë me dije që kanë detyrën të parandalojnë dhe nëse kjo nuk është e mundur, atëherë të heqin dorë nga çdo aksion që mund të kërcënojë direkt paqen dhe sigurinë e të gjithë banorëve të Kosovës”, u shpreh Nikoliç për disa nga pikat që do të diskutojë nesër në Bruksel.
