Si shumë shqiptarë edhe Ervis Gega u largua nga Shqipëria së bashku me familjen në vitin 1990. Studimet e larta për violinë i përfundoi në Londër dhe pas këtij momenti njohu vetëm sukses.
Në vitin 1996 Ervisi mori diplomën prestigjoze Concert Recital Diploma, me vlerësimin maksimal “Premier Prix”, të Guildhall School of Music and Drama. Prej më shumë se një dekade ajo është pedagoge në disa universitete të muzikës në Gjermani dhe është aktive në ngjarjet solistike, duke u vlerësuar vijimësisht nga mediat vizive gjermane dhe shqiptare.
Ervis Gega jeton në Gjermani dhe aktualisht është violinistja më e re në moshë në Akademinë e Muzikës së Dhomës “Villa Musica”, e pranuar si pedagoge që prej vitit 2006.
Tashmë ajo ka marrë një vlerësim edhe nga atdheu i saj, Shqipëria. Presidenti Ilir Meta e ka vlerësuar violinisten me medaljen Naim Frashëri.
