Vaksinimi? Kooperativa e Tipit të Lartë, BE, ku ligjet i bëjnë Taulant Ballat

0
352

Nga Ilir Seci

…Deri në këto momente në Shtetet e Bashkueme të Amerikës janë vaksinue 22 % e popullatës bazue në grupmoshën mbi 60 vjeç dhe pritet që deri në maj vaksina me qenë e gatshme për tanë popullsinë mbi 16 vjeç… për 328 milionë banorë që ka Amerika i bie që mbi 65 milionë banorë janë vaksinue në SHBA, domethanë sa dy herë krejt popullsia e Kanadasë, pra ma shumë se krejt popullsia e Francës ose e Italisë dhe mbi 80 % e popullatës së Gjermanisë.

Në anën tjetër të Oqeanit Atlantik kooperativa e tipit të naltë e quejtun Bashkimi Europian po kryen nji proçes vaksinimi me ritme prej kërmilli, proçes që po dëshmon edhe nji herë inefikasitetin tronditës të sistemit burokratik teknokratik të instaluem në Bruksel, ku nji grup përfaqësuesish të askujt kryejnë vendim-marrjet… sa kompetent asht Parlamenti Europian? Mjafton me kujtue se aty ka vite që ban ligje Taulant Balla.

“Gjaja bashkë e b… jashtë” asht nji fjale e urtë ne Shkodër, e bash kjo po ngjet në BE, ku si pasoje e kolektivizimit kooperativist disa nga kombet dikur ma të fuqishme të botës janë katandisë në këtë gjendje sa me pasë këtë përqindje vaksinimi, si Franca ose Italia, e kjo ngjet, sepse këto shtete e kanë dorëzue vullnetarisht sovranitetin e vet duke ua dhanë në dorë teknokratëve të Brukselit që në ma shumë se nji vit punojnë nga shpiat, saktesisht nga vilat e veta luksoze në periferina e bjeshkë.

Shtete si Italia e Franca që dikur ishin ndër ndikuesit ma të mëdhenj politikë në shkalle globale, sot presin aprovimin e vendim-marrësve në Bruksel, praktikisht nga Taulant Ballat… e rezultati po shihet.

Dikush mundet me thanë se nuk asht kështu… dakord, qe pra ku po ua mbush mendjen me nji fakt te thjeshtë; tanë e mbajmë mend si doli Anglia (Britania e Madhe) nga kooperativa e BE-së… Brexit? Sa thoni ju që e ka përqindjen e vaksinimit Anglia? Suprizë, surprizë… e ka mbi 40%… kjo, sepse Anglia riktheu sovranitetin e dhuruem Taulant Ballave dhe rimori në dorë fatin e vendit e vendimmarrjes…

Por, ritmin e kërmilltë të BE-së e krijon edhe sistemi teknokratik eurosocialist që ngadalëson gjithçka përmes frenimit të kompeticionit dhe nisiativës si pasojë e mbipeshës së ligjeve e regulacioneve që ia nxanë frymën ekonomisë…cdoni nji argument për këtë? Merrni si shembull Kanadanë që asht nji pasqyrë e sistemit eurosocialist të BE-së… Kanadaja ka vaksinue vetëm 6% të popullatës deri më datën 14 mars 2021. Kanadaja pra që predikon sistemin e butë social në vend të kapitalizmit “të egër” e konkurues si e kanë sot SHBA-të.

Nuk e harroj kurre çka me pat thanë nji financier hungarez që punonte në nji banke këtu në Manhattan, i cili ishte ardhë me jetue në Amerikë: “Çfare fati kishte me qenë për Shqipninë mos me hy asnjiherë në BE… kam punue në Bruksel sa vite dhe e di si janë punët…”.