Nëse kampionati do të përfundonte sot, Teuta do të ishte skuadra që nuk do të pushonte në verë për hir të Europa League, ndërsa Tirana do të kishte kohë të bënte plazh me muaj. Skuadra e Maganit ka dominuar ndaj Bylisit në “Niko Dovana”, megjithëse ka fituar vetëm me një gol të Mustës. Gjithsesi, kaq ka mjaftuar që “djemtë e detit” të pozicionohen në vendin e tretë, dy pikë përpara bardhebluve. Ndërkohë që zonës europiane nëpërmjet kampionatit i është afruar edhe Kukësi, pas fitores 1-2 në transfertën e Shkodrës. Goli i Endri Vrapit nuk i ka mjaftuar Vllaznisë, pasi miqtë e drejtuar nga Klodian Duro fillimisht kanë barazuar me Eminin, të mbërritur gjatë merkatos së janarit dhe më pas është një shkodran, pikërisht Edon Hasani, i cili firmos kapitullimin e ish-skuadrës së tij. Nga ana tjetër, Cungu nuk ka shumë për të bërë, le që ky Kukës nuk ka më asnjë lidhje me atë që ai drejtonte dikur. Ndërkohë që në më pak se 24 orë, Skënderbeu rikuperon avantazhin në pikë me Partizanin, duke e mundur Laçin si të ishte një stërvitje. Kurbinasit kishin shumë mungesa në formacion, madje trajneri Nica largoi edhe tre titullarë të tjerë, për t’i pasur të gatshëm për ndeshjen e ardhshme dhe një fushë aq të vështirë ja kthyen nëshëtitje Salihit me shokë.
Kombëtarja e të rejave U20 mundet nga Serbia me 94 pikë diferencë! Këto janë talentet e shkollave 12 milionë euro të Fidel Yllit?
Vajzat kuqezi të ekipit U20 u mundën sot nga ekipi serb me rezultatin e turpshëm 116: 22. Ky është një...
