Albana Daka, drejtore e rrjetit laboratorik “Alnet”, në Spitalin Amerikan thotë se personat që janë me shenja të koronavirusit duhet t’i drejtohen numrit të Urgjencës Kombëtare, 127, ndërsa personat që janë pa shenja mund të testohen.
“Për diagnozë është tamponi, i cili mat ngarkesën virale të virusit. Ndërsa testi serologjik tregon përgjigjen imunitare të organizmit tonë, pasi virusi është futur në organizëm dhe këto teste pozitivizohen minimalisht pas ditës 12-13 të sëmundjes. Pra, ata nuk janë për diagnozë të fazës akute, por për të parë, nëse organizmi ka filluar apo jo të krijojë imunitetit. Testi serologjik tregon depistim të popullsisë, pra në qoftë se duam të depistojmë një grup popullsie për të parë, në e ka kaluar sëmundjen. Për të parë, nëse jemi prekur nga COVID-19 është testi i tamponit”, sqaroi Daka.
