Një 44-vjeçar është kapur pasi ka tentuar t’i rrëmbejë varësen e floririt nga qafa një të moshuare në Tiranë.
44 vjeçari me iniciale L.S. i dënuar më parë për një vepër të tillë, i ka hedhur duart në sup të moshuarës duke i thënë “Të mbyti virusi moj nëne”.
Pasi ai ia ka tërhequr varësen dhe ka vrapuar, gruaja e moshuar ka bërtitur. I shoqi i saj i cili ishte bashkë me të, e ka pyetur se çfarë kishte dhe pasi ajo i ka treguar ai ka vrapuar pas hajdutit. Pas tij janë nisur dhe 2 persona të tjerë aty pranë.
“Bashkëshorti po ecte pak metra më përpara, po ktheheshim nga shtëpia e vajzës ku mbajmë mbesën dhe po shkonim në shtëpinë tonë.
Ai djali u afrua dhe më tha të mbyti virusi moj nëne. Me pas më vendosi duart në fyt dhe me dorën tjetër shkuli varësen”, tregon e moshuara.
