Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Takimi Rama- Thaçi- Haxhiu/ Berisha: Po planifikojnë Serbinë e Madhe

Nga Klodiana 0

Duke ju referuar takimit të zhvilluar sot në Tiranë, të kryeministrit Edi Rama, presidentit të Kosovës, Hashim Thaçi dhe gazetarit Baton Haxhiu, ish-kryeministri Sali Berisha shprehet se mes tyre është diskutuar për vijimin e projektit të copëtimit të Kosovës, në bashkëpunim me Serbinë.

Përmes një postimi në facebook, Berisha akuzon Ramën, Thaçin dhe Haxhiun si njerëz pa atdhe që po shesin interesat e kombit në pazare me presidentin e Serbisë, Aleksandër Vuçiç.

Reagimi i ashpër i Berishës vjen një ditë pasi presidenti Thaçi, në një intervistë për Top Channel hodhi akuza të forta në drejtim të tij, lidhur me rolin që ka pasur në pavarësinë e Kosovës.

Postimi i plotë

“Takohen në Tiranë Zografi Bis, Argati i Beogradit dhe Baton Stanishiq!

Miq, Zografi Bis, Argati i Beogradit dhe Baton Stanishiqi të damkosur dhe denatyruar përfundimisht nga Samiti i Berlinit, u takuan sot në Tiranë.

Ky takim kishte vetëm një qëllim, të mbanin fort në duart e tyre të zeza flamurin e Serbisë së Madhe pasi projekti i tyre antikombëtar antishqiptar u varros në Samitin e Berlinit dhe ata të shpërfytyruar u paraqiten në një rast unik në historinë e samiteve si tregtare të tokave të tyre.

Pas këtij dështimi, Zografi Bis, Miladini shqipfolës dhe Baton Stanishiqi, fytyrë nxirë kalojnë nga ekrani ne ekran duke i shndërruar ato në shpiftore duke besuar se me gjuhën e halabakeve ordinere, shpifësve vulgar, banditeve apatride mund të mbulojnë aktin e tyre ne Samitin e Berlinit, me të cilin në funksion krijimit të Serbisë së Madhe “zgjeronin” Kosovën duke e copëtuar atë.

Në takimin e sotëm, këta apatridë pengje të të shkuarës së tyre kriminale antikombëtare, diskutuan gjerësisht se si të bindin patronin e tyre Vuçiç të mos tërhiqet nga projekti i Serbisë së Madhe dhe për përpjekjet e tyre të reja që duhet të bëjnë për të përdorur edhe më tej idenë e ”zgjerimit” të Kosovës dhe “bashkimit” të saj me Shqipërinë duke e copëtuar atë dhe zhdukur shtetin e saj në funksion të serbomadhisë.

Me këtë rast dënoj me ashpërsinë më të madhe këto përpjekje antikombëtare destabilizuese dhe luftenxitese të Zografit Bis, Miladinit shqipfoles dhe Baton Stanishqit dhe i paralajmëroj ata se koshi i plehrave të historisë do të jetë banesa e turpit e tyre! sb”.

 

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej