Ministri i Brendshëm, Saimir Tahiri tha se e konsideron të pasaktë idenë e ministrit të Drejtësisë, Ylli Manjani që në aksionin kundër fenomenit të kanabisit të angazhohej edhe ushtria.
Tahiri: Unë e dëgjova kolegun Manjani. E mirëkuptoj vullnetin e tij pozitiv për të bërë një propozim që shkon në adresimin e këtij fenomeni. Besoj se është një angazhim i pasaktë, por besoj se hyn tek propozimet e dëshirës së mirë.
Më tej Ministri Tahiri u shpreh se lufta kundër kultivimit të kanabist, nuk bëhet as nëpërmjet konferencave të shtypit, por bëhet duke marrë masat e nevojshme, të cilat mund të sjellin efekt të menjëhershëm në parandalimin e këtij fenomeni.
Duke shfrytëzuar vullnetin e mirë të kolegut Manjani, vijon Tahiri, besoj se do të gjejmë gjuhën e përbashkët për ndryshimet në Kodin Penal, të cilat do të sjellin rezultate të menjëhershme dhe të qëndrueshme në kohë. Unë jam shumë i hapur për propozimet e çdokujt, e jo më të një kolegut tim, sugjerimet e të cilit i mirëpres në çdo kohë.
