Një ngjarje e rëndë është regjistruar dy ditë më parë në Itali ku trupi i pajetë i një burri është gjetur në një stacion tramvaji në zonën e Arcirpressit, në Firence, ndërsa rrethanat dhe shkaqet e vdekjes mbeten ende të paqarta.
Viktima është identifikuar si një shtetas shqiptar rreth 50 vjeç, identiteti i të cilit nuk është bërë ende publik.
Dyshimet për një vdekje të mundshme nga faktorë të jashtëm janë shtuar pas zbulimit se ai ishte liruar nga burgu vetëm një ditë më parë.
Sipas mediave italiane, pavarësisht përpjekjeve të stafit mjekësor të Humanitas në Firence për ta rikthyer në jetë, burri u shpall i vdekur. Rreth orës 10:00 të mëngjesit, prokurori i gatshëm urdhëroi kryerjen e hetimeve të mëtejshme, duke marrë në konsideratë edhe faktin se viktima, një shqiptar 50-vjeçar me origjinë nga Viterbo, kishte qenë i ndaluar në burgun Sollicciano deri një ditë më parë.
Për shkak të hetimeve, linja e tramvajit u pezullua për disa orë, ndërsa autoritetet po mbledhin dëshmi, prova dhe pamje filmike për të zbardhur plotësisht këtë ngjarje tragjike.
